أقطع علاقتك بى لو شفت زول
غيرك ملاء يا جميل عينى
أقطع علاقتك بى لو جابو ليك كلام
لسواك عندى غرام اصلك حلاوة الروح
وغرام سواك حرام لو سبتك انا بتلام
يا جميل يا حرف اللام حلو خدك البسام
يا نسمة يا نسام ولو عنى سامع شى
أقطع علاقتك بى
يوم عينى تتحدى الريد الليهو مدة
وتعاين لغيرك ... لحدودك إتعدى
دى اريتها تنقده .. فى الدنيا تتهده
يا زهرة احلامى .. يا روعة الوردة
ايدى فى هواك محال .. لسواك تتمده
ولو ما رضت ايدى ... أقطع علاقتك بى
لو كنا يوم ماشين فى أمدر الملازمين
او شارع الستين عاينت لناس سمحين
انت المليت عينى البيك مليانين
فى الدنيا ما شايف غيرك قليبو حنين
اصلك هوى الايام الكنت كايسو سنين
يا أحلى زول فى الكون والاحلى فى العايشين
ولو درت غيرك لى .... أقطع علاقتك بى
لو جيتنا يوم وانا فى .. وبشاهد ال TV
وجابو المسلسل داك عاينت انا للفى
أو جابو ود كومار وصفتو فى وصفى
أنت المليت عينى وانا قلبى ده مكفى
يالحرفك زى حرفى ولو درت غيرك لى
اقطع علاقتك بى
الخميس يوليو 05, 2012 12:41 pm