سواد ليلتين ضفايرك ديل

سواد ليلتين ضفايرك ديل طوال بالحيل
وطرفك لما رف وعاد غلبنى مع البغنو الشيل
بقيت لامن اشوف رقصك وأشيل شبال
اطير فى حال تقول فارساً رمنو الخيل
خلينى النروى من موية عيونك ديل وأشيل من الرموش وصفة
من حالى العلى ياست الجمال كان أشفى .. وانا ما بشفى
إلا وأقيف فوق شاطى الخدود وأتم وقفة
عشان أفخر بيك واغنى ليك وأفتح فوق جدار القمر شرفة
أصلى لاقيك فى أخر العمير
زى هلال وسط الغيوم لمن يطل صدفة
وأنا ما بشفى من علل الغرام البى بدور أشفى