في رحيل نصف القمر ...كتبت ابنتنا الدكتورة / سحر معتصم سيد احمد صادق
هيج رحيلك يا أبوي يا خالي ويا عمي ويااااا يا كل اهلي ويا كل الدنيا احساس غلبني اتحملوا لمن اكتبلك وداعا وداعا يا اغلى خلق الله الى قلبي يا نور عيني يا حبيبي يا اعز الناس يا @محمد وردي قلبي بينزف انا لا الصير قادر علي ولا عند حيلة..كنت جاياك يا حبيبي زي ما وعدتك انا كنت دايرة اقول لك انا جيت السودان وجايااااااااااك ابوسك من راسك واحشني..انت قلت لي لو ما حتجي انا بجيك تعالي لي اشوفك قبل ما اموت انا قلت لك بعد الشر عليك يا روعة سحر الاسطورة انا جاياااك ..ليييه ما استنيتني ..الدنيا انتهت عندي اخ يارب صبرني على فراق اغلى انسان في الدنيا.. تلقانا بنحبك أكتر كل مرة..نحن أولاد كفاحك رغم وجودنا بره..رغم الخطوة تاهت.. رغم الغربة مُرة..ننشد فى سبيلك عرفانا وجميلك ..
ونرحل فى هتافك يا عِشْقْ إستمرّ..وداعا يا نور العين يا اعز الناس ..العمر بقى ما غالي بعدك والزمان عمره ما حيصالحني تاني ..انا فقدتك يا حبيبي يا ابوي يا دنيتي يا غالي ..ايه تسوى سحر تاني من غيرك .الله يرحمك يا وردي يا يا وردي الكلمات تخوني ولا كلمة في الدنيا تعبر عن حزني لك ..الدنيا ضلمت وكساه السواد كل شي حشتااااااااااااااق لك يا نور عيوني..انا ما حقدر اعيش في دنيا انت ما فيها ..انا ماقادرة
اصدق انك مشيت وخليتنا..
يا نور العين . لمن اكتب لك وداعا قلبى ينزف فى الدواية انا لا الصبر قادر على ولا عندى حيلة الليلة با حبى الكبير فى حرقة لافينى الاسى ضاع الكلام انا منى ضاع ماتت حروف اللقيا قبال اهمسا والله ما غابت محاسنك لا الجرح اتنسى .. وداعا يا نسمة هبت فى عز الصيف وفى شدة هجير وزحام ...علمت قلبى يحبك ولما سار فى دربك رحت وسبت حبيبك ليه ..
دي الإرادة ونحن ما بنقدر نجاابه المستحيل دي الإرااادة والمقدر ما بنجيب ليه بديل دي الإراادة أجبرتني في هواااكم من قبيل ..اقول انساك وانسى شقاى لو قادر وكيف اصبر وعارف نفسى ما صابر.كيف ترحل ونحن حبيناك من قلوبنا واخترناك ياوردي فى بعدك لقيت كل الارض منفى وحمولى تهد جبال الشيل صابر بتألم والمر دا شرابى .. يا حليل الراحو يا حليل احبابى.. وحليلو الكان بهدى الغير صبح محتار يكوس هداى .. زمان ما عشنا فى غربة ولا قاسينا نتوحد وهسع رحنا نتوجع نعيش بالحسرة نتاسف على الماضى الما برجع ... وااااسفاى .. صبرت واستنيت كتير اتمنى اقول بكرة حالاقيك ا..حلمت تغنى لى وطن شامخ وطن عاتى وطن مالك زمام امرو ومتوهج لهب جمرو .. لقيتك فى طشاشى دليل وفى حر الهجيرة مقيل وردى ياما بعدك شفت الالم وقل نومى وصبرى انعدم آآآآآآآخ شوف دموعى وراك صارو دم (رحل وردى ) كلمة واحدة بس سقتنى الالم وعاد الحزن القديم ...سنظل نحبك ومكانك صميم الفؤاد..رحمك الله يا روح الروح يا امالا
انت كنت كل حاجة انت الوطن والاب والعم والخال ومثلي الاعلى وقدوتي اعيش كيف انا يا نور العين فراقك اقسى الم في عمري كله؟؟ ما اتخيلت انه في الم قدر الم فراقك يا حبيبيبي يا اعز الناس انا بحبك وحفضل احبك وطول عمري ححبك وما حبكي عشان ما اعذبك وحصلي ولدعي لك واقرا لك قران ححاول ما ابكي عشان انت ما تزعل بس ما قادرة الدموع ما بيدي وحزني عليك ما بيدي
الجمعة فبراير 24, 2012 8:50 pm