فيك يا مروى شفت كل جديد
فيك شفته عيون لعبو بى شديد
وانكويت بالنار من زهور فى خديد
مهما زاد وجدى ما بسيب الريد
لانو قلبى حنين وبعشق التغريد
بى محاسن الكون بى جمال الغيد
يلا نمشى النيل فى اواخر الليل
بين رمال ونخيل يغنى لينا جميل
بوبا عليك تقيل القمر بوبا
يا مريسيل تعال بوصيك
فى الرمال الصيد بلاقيك
هو بعزمك ويعتلق بيك
قولو حالف ما بباريك
وما بدليها التهمة فيك
جيت مارى العصير
للقيتها تملا فوق بير
الرقيبة قزازة عصير
العيون متل الفناجين
الزراق فوقها تقول حرير
الضمير عاج التكارير
السنون براقن يشيل
وانتى ريحتك ريحة الفرير
ولا بت السودان اصيل
شوف فلانة الواردة وحواء
دخلت قلبى من جوه
سكنت قلبى من جوه
واتغابت فوقو الخوه
تحكى خطو الريم العايره
على نغم الساقية الدايره
تغنى ليها تقول
والله ظلم علينا ظلم
يا ناس القوز علينا ظلم
الشال السيدة وخلا حرم
سفر التلات والله عدم
سعينا الريد جنينا حكم
وقلنا الحب والله قسم
متين يا الساقية نترك النوح
يجينى قميرى يقولى نروح
نزور الشوفتو ترد الروح
حبيبى السادة خفيف الدم
فيك يا مروى شفته كل جديد
فيك شفنا جمال كل لحظة بزيد
يسبى وجدانى وبى حلاتو اشيد
وان نسيت ما نسيت يوم لقيت الصيد
ساهى فى حسنو وبى غناهو سعيد
كم اضاع صبرى
بالحلة تنورى يا الحلة تنورى
يا بنية تنورى حاشاك تتغيرى
قسمى الشبال كترى لى قلوب الناس كبرى
ويا عيونى اتصبرى
الأربعاء فبراير 29, 2012 8:43 am