الـبـِت الـهـمـيـمـة الـرّاسـيـة زيـنـة الحـىْ
يـا نـَسـل الـكـرام الـفـرْعـَهـُم مـُو نـَىْ
يـا ريـدى الحـلال الـقـاسـمُـو ربـنـا لـىْ
نـُوّارة الـبـنـات الـسـمـحـة جـوْهـر و زىْ
... الـبـِتــقــوم هــَبـُوب لـى خـدمـة الـضيـفـان
الـمـوزون كـلامـا و قـولا كـلـو بـيـان
سـمحـة جـبـيـنـا ضىْ لا بــُودرة لا ألـوان
و الأخــلاق سـجـايـا مجـمـِّلا الإيـمـان
مـِى عـيـّابـة حـاشـا و مـاهــا كـشـّارة
تـبـسـُم بى أدب فـى قــولا بـشـّارة
مـن صوت الـغـريـب بى حـِشـمـة تـتـضارى
سـِـت واجـِب أصيـل تـشـهـدْلـهـا الـحـارَة
الإيـديـهـا طـاعـمـة طـبـِيـخـا مـا بـِنـفــات
الـدارسـة الـعـلـوم الـراكـزة فـى الحـوبات
أم رايـاً سـديـد يـوم تـصعـَب الـكـَلـِمـات
زايـدة سـمـاح و نـُور بـى الـسـِّبحة و الـصلـوات
جـيـّهـتْ الـعـِيـال مـا فـكـَّـتـُـم هـامـلـِيـن
شـايـلـيـن طـبـْعـَهـا و بـى ذوقـا متـربـِّيـن
مـسـتـورة و دوام نـاس بـيـتـا مـسـتـوريــن
الإثنين نوفمبر 28, 2011 10:39 am